PCC:ITANGAZO RIGENEWE ABANYAMAKURU | Rwanda
Default environment

You are here

Status message

The webform component civicrm_contact is not able to be displayed

PCC:ITANGAZO RIGENEWE ABANYAMAKURU

The Permanent Consultative Council of Opposition Parties in Rwanda (PCC) C/O. B.P. 6334 Kigali , Rwanda , Tel : +250 788563039,+250 728636000, +250 788307145

Kigali, 16 Kamena 2010

ITANGAZO RIGENEWE ABANYAMAKURU

Nyuma y’itangazo ryashyizwe ahagaragara n’ishyaka riharanira demokarasi n’ibidukikije mu Rwanda , rivuga ko rivuye muri rugaga ruhuje amashyaka atavuga rumwe n’ubutegetsi bw’ishyaka riri kubutegetsi, (The Permanent Consultative Council of Opposition Parties in Rwanda ,PCC)

Tumaze gusesengurira hamwe impungenge zashyizwe ahagaragara n’iIshyaka riharanira Demokarasi n’ibidukikije mu Rwanda, Amashyaka agize urugaga (The Permanent Consultative Council of Opposition Parties in Rwanda PCC)

PS Imberakuri, Ishyaka Riharanira Demokarasi n’Ibidukikije mu Rwanda, FDU-Inkingi, batangarije abanyarwanda, inshuti z’u Rwanda n’abanyamakuru ibi bikurikira :

1. Amashyaka PS Imberakuri, Ishyaka Riharanira Demokarasi n’Ibidukikije mu Rwanda, FDU-Inkingi, akomeje gukorera hamwe muguharanira demokarasi mu gihugu cyacu hakoreshejwe inzira z’amahoro ;

2. PS Imberakuri, Ishyaka Riharanira Demokarasi n’Ibidukikije mu Rwanda, FDU-Inkingi, tukaba dukomeje kwamagana twivuye inyuma abantu bose baba bafite umugambi wo guhindura ibintu mu gihugu bakoresheje inzira ishobora gusubiza abanyarwanda mu kaga, bityo tukaba twamaganye abantu bose bihishe inyuma y’icyitwa CDF, n’ibindi byose bisa nkayo, byitirirwa abatavuga rumwe n’ubutegetsi bwa FPR –Inkotanyi ;

3. Ibikubiye mu itangazo ryasohowe ejo n’Ishyaka Riharanira Demokarasi n’Ibidukikije mu Rwanda, rishimangira ko rivuye mu rugaga (The Permanent Consultative Council of Opposition Parties in Rwanda ,PCC), rihuriyemo n’amashyaka PS Imberakuri, na FDU-Inkingi, bitagomba gutera impungenge abanyarwanda, inshuti z’u Rwanda, cyane cyane ko Ishyaka Riharanira Demokarasi n’Ibidukikije mu Rwanda ryiyemeje gukomeza gukorera muri PCC.

Mme Victoire Ingabire Umuhoza

Umuyobozi wa FDU-Inkingi

Mr. Frank Habineza

Umuyobozi w’ishyaka PGDR/PDVR

Me. Bernard Ntaganda

Umuyobozi wa PS Imberkuri